Jug copper alloy

කෙණ්ඩියක හැඩයකින් යුත් මෙය ජලය හෝ වෙනත් දියරමය ද්‍රව්‍යයක් වැක්කිරීම සඳහා යොදාගත් එකක් ලෙස පැහැදිලි වනුයේ දැනට හමුව ඇති කොටස් අතර එහි කෙමිය කොටස ද වීම නිසාවෙනි. භාජනයේ කෙමිය/කට කොටස බඳුන නිමවීමෙන් අනතුරුව වද්දවා/එයට සවිකර ඇති බව හමුව ඇති කොටසින් පැහැදිලිය. බඳුන තැබීම සඳහා වඩා විශාලත්වයෙන් යුතු අඩිය කොටසක් නිර්මාණය කර තිබෙනුයේ එය පෙරලීමට ඇති ඉඩකඩ අවම කිරීම සඳහා විය යුතුය. බඳුන පහළ සිට ඉහළට යන විට ක්‍රමානුකූලව විශාලවන අකාරයටත් එක්වරම බඳුනේ හැඩය ගැනීම සඳහා කෙටි නැම්මක් සහිතව සමතල මතුපිටක් සිටින සේ නිමවා ඇත. ඉතිරිව ඇති බඳුනේ බඳ කොටසට යමක් සම්බන්ද කිරීම සඳහා භාවිත කළ වෘත්තාකාර සලකුණක් දැකිය වීමෙන් බඳුනේ කෙමිය කොටසක් පැවති බව පැහැදිලිය. බඳුනට දියරමය වර්ග එක්කිරීමට දිගු බෙල්ලක් සහිත කොටසක් එසේ බඳ කොටසට එක්කර තිබෙන්නට ඇත.

එමෙන්ම බඳුන ඇල්ලීම සඳහා හැඬලක් / කොක්කක් පවතින්නට ඇති අතර කැඩීගිය කෙමිය කොටස දියර වර්ග වැක්කිරීම පහසු කිරීම සඳහා යම් දිගකින් හා හැඩයකින් යුතුව නිමවා තිබෙන්නට ඇත. බඳුනේ විශේෂත්වයක් වන්නේ එහි ගණකම ඉතා අවම වීම වන අතර එසේ නිර්මාණය කරන්නට ඇත්තේ එය අපහසුවකින් තොරව එසවීමටත්, දියර වර්ග වැක්කිරීම හසු කිරීම පිණිස විය යුතුය.